Dillon

Ný útgáfa hljómsveitarinnar spilar sína fyrstu hljómleika á Dillon, laugardagskvöldið 20. febrúar.

Blikar

Spiluðum þrjú lög fyrir Blikaklúbbinn í upphitun fyrir bikarúrslitaleikinn, treystum því að það hafi skipt sköpum fyrir að bikarinn fór í Kópavoginn.

Stebbi er hættur..

sem trommari, Gummi tekur við, fellum eitt "B" úr nafninu.

Grand Rokk á menningarnótt

Spiluðum á Grand Rokk á Menningarnótt með MegaSukk (Megas og Súkkat) og Palindrome, alltaf skemmtilegt kvöld og tókst að bjarga vel þrátt fyrir að bassamagnarinn hafi gefið sig rétt fyrir hljómleikana.

"Viltu nammi væna?" fáanleg

"Viltu nammi væna?" (og "Viltu bjór væna?") er komin í sölu á Tónlist.is og gogoyoko.

Textar

Textarnir af "Viltu nammi væna?" og "Dót" komnir á síðuna, sbr. Lög.

Punk 2009

Punk hátíðin á Grand Rokk 4. apríl. Að hluta til endurtekið efni og eitthvað af nýjum lögum. Tókst ekki síður vel en í fyrra, sennilega betra kvöld þó ótrúlegt sé..

30 ár

liðin frá því við spiluðum fyrst í lok nóvember. Héldum upp á framtíðina og fjórða áratuginn með því að spila þrettán lög af næstu plöut á Grand Rokk 27. nóvember í bland við örfá gömul.

Menningarnótt 2008

Spiluðum fjórða árið í röð á menningarnótt með Paindrome og MegaSukk í portinu á bak við Við Tjörnina. Með skemmtilegri kvöldum ársins, Miklatún "át" ekki kvöldið eins og í fyrra. Og sérstaklega vel heppnaðir hljómleikar, nýja efnið blandast vel við það gamla og næsta plata að taka á sig mynd.

Árbæjarsafn 2008

Iðunn, Helgi, Stebbi og Valli tóku nokkur lög frá Punk hátíðinni á Grand Rokk með Rikka og Árna Daníel.

Punk 2008

Punk hátíðin á Grand Rokk tókst framar öllum vonum. Við tókum þátt ásamt nokkrum félögum með erlend lög frá '76-'79. Fyrir utan okkur voru Árni Daníel, Rikki, Þorsteinn, Gummi og Kommi úr Taugadeild, Snillingum, Tappanum, Q4U og fleiri hljómsveitum. Endurtökum örugglega að ári - vonandi með enn fleiri lög.

Skemmtilegt blogg og um ræða hjá Jens Guð og What Rough Beast.

Myndir frá Viktor Orra hér og lagalisti og hverjir spiluðu hér - Heiða kom svo óvænt inn í Blondie lagið Denis.

Menningarnótt í Reykjavík

Spiluðum þriðja árið í röð á menningarnótt með Paindrome og MegaSukk í portinu á bak við Við Tjörnina.

Vefsíða Kolviðar

Vefsíða Kolviðar opnuð í grasagarðinum í Laugardagl.

Jón Ólafs

Komum fram hjá Jóni Ólafs 21. apríl, skemmtilegur og vel heppnaður þáttur, spiluðum "Judge A Pope Just By The Cover" (sem hét áður "New Head)..

Kolviður

Er um það bil að fara af stað, sjá Kolvið

Stranglers

Spiluðum með Stranglers á Nasa, frábært kvöld.

Broadway, Punk-Disco

Komum frá á Punk-Disco hátíð hjá starfsmönnum Reykjavíkurborgar á Broadway í byrjun október.

Hörður Torfa

Diskur með upptökum af tónleikum í Borgarleikhúsinu frá september 2005 er kominn út, erum með 2 lög, "Guðjón" og "Brekkan", með félögum úr Karlakór Kópavogs, en Iðunn í fríi, og virðast fá jákvæðar umsagnir.

Rás 2, 5. október, Andrea Jónsdóttir (og Ágúst Bogason)

Fræbbblarnir frábærir á þessari plötu, með Guðjón og Brekkan.

Morgunblaðið, 15. október, Helga Þórey Jónsdóttir

Fræbbblarnir ásamt félögum í Karlakór Kópavogs taka lögin "Guðjón" og "Brekkan" og njóta þau sín vel í sérstæðri nálgun þeirra.

Upptökur

Lög frá Gauknum, 25. febrúar 2005, komin á vefinn okkar, "Ring Of Fire" og "Swallow My Pride". Hljóðblönduð af Ragnari Jónssyni, sjá nánar í lagalista.

Og frá beinni útsendingu á Rás 2 sama dag, 25. febrúar 2005, ný lög, "Apríl" og "Höfuð", Hjörtur Svavarsson tók upp, sjá líka lagalista.

Pönkið og Fræbbblarnir

Ómissandi bíómynd um skemmtilegasta tímabil íslenkrar tónlistarsögu, sýnd í Sjónvarpinu á nýársdag.

Myndir frá 25 ára afmælinu

Sjá myndir.

Hörður Torfa lengi lifi

Rosalega vel heppnað kvöld í Borgarleikhúsinu til heiðurs Herði Torfa, nánar á hljómleika tenglinum. Reiknað er með að lögin komi út í febrúar 2006.

Popppunktur

Aftur með í Popppunkti, mættum Ham í lok október, hafðist með smáheppni en töpuðum illa með fyrir Geirfuglum í lok nóvember, bæði heppnin og vitneskjan á móti okkur!

Við Tjörnina á Menningarnótt í Reykjavík.

Spiluðum með Megasukk og Palindrome á Menningarnótt í Reykjavík, sjá Visit Reykjavik á Við Tjörnina, milli klukkan átta og níu um kvöldið.

Umsagnir um Dót

Rás 2, 17. mars, Andrea Jónsdóttir (og Freyr Eyjólfsson)

Hiklaust langbesta plata Fræbbblanna til þessa, hafa þróast rosalega vel, man ekki eftir neinni hljómsveit sem líkist Fræbbblunum.

Þrususkemmtileg plata, orðnir gamlir pönkarar, samt eitthvað ungæðingslegt við þetta. Valli hefur aldrei sungið betur.

Sem gamall hippi minnti þessi plata mig á hvers vegna pönkið var nauðsynlegt á sínum tíma.

Platan blátt áfram og skemmtileg, gert eins og á að gera hlutina, góð, stutt og fjölbreytt lög.

DV, 2. desember, Trausti Júlíusson, 4 stjörnur

Skemmtilegt Dót.

Það sem gerir Dótið jafn gott og raun ber vitni fyrir utan vel heppnaðar lagasmíðar og flottan hljóm eru útsetningarnar.

Dót er á heildina litið frábær rokkplata.

Fréttablaðið, 8. desember, Magnús Teitsson

Útkoman þrælskemmtilegur pakki.

Fræbbblarnir hafa engu gleymt og halda sig við grípandi pönk.

Morgunblaðið, 2. desember, Svavar Knútur Kristinsson 4 stjörnur af 5

Við hlustun á "Treat Me Like I Died" kviknar óneitanlega löngun til að kasta af sér fötum og dansa eins og bavíani.

Lögin eru mörg hver grípandi og kraftmikil og skilja eftir sig ágætis eftirbragð.

Morgunblaðið, 6. desember, Skarphéðinn Guðmundsson, í umsögn um hljómleika Stranglers og Fræbbblanna, 4 stjörnur af 5

Fræbbblarnir eru nýbúnir að gefa út þrusufína plötu, Dót.

Myndir

Verðum að benda á myndir hjá Zeranico frá Þjóðleikhúskjallaranum.

Finnbogi Marinósson hjá Dagsljósi, Akureyri, mætti í Sjallann og tók mikið af myndum. Við mættum svo til hans í myndatöku á sunnudag. Margar frábærar myndir og nokkrar þeirra skreyta undirsíður vefsins með góðfúslegu leyfi Finnboga.

Gunnar á Kópavogspóstinum mætti á Stranglers og tók fullt af myndum. Nokkrar þeirra eru á aðalsíðunni, fyrir utan efstu myndina frá Finnboga.

Ólafur Barði mætti líka á Stranglers, eigum eftir að fá fleiri myndir frá honum, en ein myndin er hér á aðalsíðunni.

Kolviður

Í framhaldi af minningarhljómleikunum um Joe Strummer verður stofnaður kolefnishlutleysissjóður í samvinnu við Skógræktarfélag Íslands og Landvernd.

"Rockaway Beach" á íslensku

Marky Ramone, fyrrum trommari Ramones, er nú með hljómsveitina Speedkings. Þeir eru að gefa út hljómleikaupptökur og sem bónus fylgir EP plata með fjórum Ramones lögum og eru þau sungin á sitt hvoru norðurlandamálinu, "Rockaway Beach", "I Wanna Be Sedated", "Sheena Is A Punk Rocker" og "Blitzkrieg Bop". Við gerðum íslenska textann og getum ekki beðið eftir að heyra framburðinn hjá þeim.

Til minningar um Joey Ramone

Plata til minningar um Joey Ramone "Life's a Gas: A Tribute to Joey Ramone" er komin út hjá AMP Records í Kanada - við erum með lagið "Heaven Needed A Lead Singer".

Og ekki gleyma

• Dr. Gunna
• Halla Reynis
• Stranglers
• Ramones hjá Jari-Pekka Laito
• Svo má senda okkur tölvupóst.