Paint It Black

Gáfum út okkar útgáfu af Rolling Stones laginu Paint It Black (Jagger, Richards). Hér á YouTube. Og hér í fullri útgáfu Paint It Black.

Akureyrarheimsókn á Grand Rock

Lost & Helgi og Hljóðfæraleikararnir & Taugadeilding & Fræbbblarnir á Grand Rock 10. febrúar. Valli fastur í London en Iðunn tók að sér sönginn með aðstoð Steina, Árna Daníels og Óskars.

Sham 69 á Gauknum

Spiluðum með Sham 69, Leiksviði fáránleikans og Roð á Gauknum 17. nóvember.

Iceland Airwaves

Spiluðum á Iceland Airwaves 2017, 2. nóvember á Hard Rock og á Dillon ('off-venue') 5. nóvember:

Menningarnótt á Dillon

Spiluðum á Dillon á Menningarnótt.

Secret Solstice

Spiluðum á Secret Solstice.

Turpakäräjät

Spiluðum á punk-hátíð á Dillon með stórskemmtilegri finnskri hljómsveiti Turpakäräjät og skemmtilegu úrvali íslenskra hljómsveita, fyrir utan okkur voru þarna Dýrðin, Tuð og Q4U.

Fullveldispönk

Spiluðum á Fullveldispönk á Hard Rock Café með Jonee Jonee, Suð og Tappa tíkarrass.

Lýðræðistónleikar Gauksins

Spiluðum á Lýðræðistónleikum Gauksins þar sem fólk var hvatt til að kjósa, 27. október.

Rokk í Hafnarfirði

Spiluðum á Rokkhátíð Ölstofu Hafnarfjarðar 5. ágúst, frábær hátíð en sennilega var rúmlega 2:00 um nóttina full seint fyrir marga þeirra sem vildu heyra í okkur.

Dante

Gefum út lagið Dante af Í hnotskurn, útgáfunn fylgir myndband sem byggir á samhengislausum brotum úr bíómyndinni L'inferno frá 1911.. þetta má finna á YouTune

Á Bifröst

Spiluðum á Bifröst á einshvers konar millistigi af hljómleikum og balli, nokkuð vel heppnað og gaman að fá fullt af ungu fólki sem virtist hafa gaman af.

Á Akureyri

Spiluðum á Græna hattinum á Akureyri með Helga og hljóðfæraleikurunum í byrjun nóvember. Frábær staður og mjög flott hjá Hauki og öðrum að halda þessum stað gangandi.

MammaDreki mætti með myndavélina og tók eitthvað af myndum, margar frábærar sem við höfum sett á hér á vefsíðurnar.

Svo bættust við myndir frá Birni Jónssyni, ótrúlega mikið af skemmtilegum myndum í hvert skipti sem við spilum á Akureyri.

Á Akureyri

Spiluðum á Græna hattinum á Akureyri með Helga og hljóðfæraleikurunum í byrjun nóvember. Frábær staður og mjög flott hjá Hauki og öðrum að halda þessum stað gangandi.

Í hnotskurn

Platan "Í hnotskurn" kom út 21. ágúst 2015. Sjá nánar á Útgáfur.

Sex á tíu

Upptökur úr Hörpunni þegar við spiluðum til styrktar Ingólfi Júlíussyni 28. febrúar 2013. Sex lög á tíu mínútum.

TV Smith

Spiluðum á Gauknum Gímaldin og TV Smith.

Afmæli Kópavogs

Spiluðum fjögur lög á fimm mínútum í Kórnum á 60 ára afmæli Kópavogsbæjar, sennilega stærsti salur sem við höfum spilað í..

Nýtt lag - Bugging Leo

Eigum lag á nýrri safnplötu Dr. Gunna, "Snarl 4 - Skært lúðrar hljóma".

Punk 2014

Punk 2014 var að þessu sinni hluti af Kópavogsdögum í byrjun maí, hljómleikar á Spot með Q4U og Glen Matlock spila og í Molanum 10. maí með Dossbaradjamm, Pungsig, Fjöltengi, Skerðing og Bugun.

Þrjátíu og fimm ára afmæli á Gamla Gauknum

Héldum partý í tilefni dagsins, spiluðum nokkur ríflega 50 lög, bæði okkar og annarra.

Fjörutíu ára afmæli MK

Spiluðum nokkur lög á fjörutíu ára afmæli MK á SPOT, byrjuðum þar fyrir 35 árum.

Dillon á Menningarnótt

Spiluðum nokkur lög á Dillon á Menningarnótt 2013.

My Perfect Seven

Gáfum út My Perfect Seven 15. júlí 2013.

Til stuðnings Ingólfi

Tókum þátt í styrktarhljómleikum til stuðnings Ingólfi Júlíussyni í Norðurljósum Hörpu fimmtudagskvöldið 28. febrúar, ásamt ótal öðrum stórgóðum atriðum.

Fyrsta lag ársins 2013

Lagið "Judge a Pope just by the Cover" kom út 1. janúar 2013.

Jólalag 2012

Gáfum út jólalagið okkar aftur, "Ótrúleg jól 2012", eilítið breyttur texti og útsetning.

Bar 11, 2. nóvember

Spiluðum á Bar 11 á hljómleikum GogoYoko 2. nóvember.

Menningarnótt

Spiluðum í garðinum hjá Dillon á Menningarnótt 2012.

Myndlistarsýningaropnun

Spiluðum nokkur lög við opnun á myndlistarsýningu Guðrúnar Benediktu Elíasdóttur á KexHostel.

Rokk í Reykjavík 2.0

Spiluðum á Rokk í Reykjavík 2.0 sem Belginn Wim Van Hooste stóð fyrir á Gauknum. Stórskemmtilegir ljómleikar og gengu alveg sérstaklega vel.

Fjölgun

Þeir Rikki og Steini hafa gengið aftur til liðs við Fræbbblana. Báðir spiluðu þeir á fyrstu plötu Fræbbblanna, Steini var með alveg frá upphafi og Rikki kom inn í ársbyrjun 1979 - eiginlega voru báðir upphaflegir meðlimir eftir að við ákváðum að gera alvöru úr þessu. En það er enginn að hætta, þetta opnar einfaldlega fyrir möguleika á að spila oftar. Og við þurfum ekki lengur að vandræðast með nafnið þegar gestir eru með.

Menningarnótt

Spiluðum með Halla Reynis og OjbaRasta á Við Tjörnina á Menningarnótt, 20 ágúst.

Dylan koverlagakeppni Rásar 2

Sendum inn lag í Dylan koverlagakeppni Rásar 2, eitt af fjórtán lögum í úrslitum, endilega taka þátt í kosningunni.

Ný plata

Upptökur á nýrri plötu hafnar. Við byrjuðum að taka upp grunna fyrir 17 lög, 15 þeirra voru í lagi við fyrstu hlustun og hin tvö gætu gengið. Platan kemur vonandi út í sumar, kannski í haust. Látum jafnvel eitt eða tvö grófmixuð lög detta hingað inn.

BBB

Tvö "b" virðist eingöngu valda ruglingi, skiptum aftur í þrjú.

Airwaves

Tókum þátt í Airwaves Iceland Airwaves á Amsterdam. Nokkrar nýjar myndir frá Ingólfi Júlíussyni hér á síðunum.

MK myndir

Steini var að finna nokkrar myndir frá fyrstu æfingunum í MK haustið 1978, sennilega tóku Auður eða Assi þær, þær liggja hér til vinstri.

Dillon

Ný útgáfa hljómsveitarinnar spilaði sína fyrstu hljómleika á Dillon 20. febrúar. Gummi smellpassar í hljómsveitina og ný plata komin á dagskrá.

Stebbi er hættur..

sem trommari, Gummi tekur við, fellum eitt "B" úr nafninu.

30 ár

liðin frá því við spiluðum fyrst í lok nóvember. Héldum upp á framtíðina og fjórða áratuginn með því að spila þrettán lög af næstu plötu á Grand Rokk 27. nóvember í bland við örfá gömul.

Menningarnótt 2008

Spiluðum fjórða árið í röð á menningarnótt með Paindrome og MegaSukk í portinu á bak við "Við Tjörnina". Með skemmtilegri kvöldum ársins, Miklatún "át" ekki kvöldið eins og í fyrra. Og sérstaklega vel heppnaðir hljómleikar, nýja efnið blandast vel við það gamla og næsta plata að taka á sig mynd.

Menningarnótt í Reykjavík

Spiluðum þriðja árið í röð á menningarnótt með Paindrome og MegaSukk í portinu á bak við "Við Tjörnina".

Vefsíða Kolviðar

Vefsíða Kolviðar opnuð í grasagarðinum í Laugardagl.

Jón Ólafs

Komum fram hjá Jóni Ólafs 21. apríl, skemmtilegur og vel heppnaður þáttur, spiluðum "Judge A Pope Just By The Cover" (sem hét áður "New Head)..

Kolviður

Er um það bil að fara af stað, sjá Kolvið

Stranglers

Spiluðum með Stranglers á Nasa, frábært kvöld.

Hörður Torfa

Diskur með upptökum af tónleikum í Borgarleikhúsinu frá september 2005 er kominn út, erum með 2 lög, "Guðjón" og "Brekkan", með félögum úr Karlakór Kópavogs, en Iðunn í fríi, og virðast fá jákvæðar umsagnir.

Rás 2, 5. október, Andrea Jónsdóttir (og Ágúst Bogason)

Fræbbblarnir frábærir á þessari plötu, með Guðjón og Brekkan.

Morgunblaðið, 15. október, Helga Þórey Jónsdóttir

Fræbbblarnir ásamt félögum í Karlakór Kópavogs taka lögin "Guðjón" og "Brekkan" og njóta þau sín vel í sérstæðri nálgun þeirra.

Pönkið og Fræbbblarnir

Ómissandi bíómynd um skemmtilegasta tímabil íslenkrar tónlistarsögu, sýnd í Sjónvarpinu á nýársdag.

Hörður Torfa lengi lifi

Rosalega vel heppnað kvöld í Borgarleikhúsinu til heiðurs Herði Torfa, nánar á hljómleika tenglinum. Reiknað er með að lögin komi út í febrúar 2006.

Popppunktur

Aftur með í Popppunkti, mættum Ham í lok október, hafðist með smáheppni en töpuðum illa með fyrir Geirfuglum í lok nóvember, bæði heppnin og vitneskjan á móti okkur!

Við Tjörnina á Menningarnótt í Reykjavík.

Spiluðum með Megasukk og Palindrome á Menningarnótt í Reykjavík, sjá Visit Reykjavik á "Við Tjörnina", milli klukkan átta og níu um kvöldið.

Umsagnir um Dót

Rás 2, 17. mars, Andrea Jónsdóttir (og Freyr Eyjólfsson)

Hiklaust langbesta plata Fræbbblanna til þessa, hafa þróast rosalega vel, man ekki eftir neinni hljómsveit sem líkist Fræbbblunum.

Þrususkemmtileg plata, orðnir gamlir pönkarar, samt eitthvað ungæðingslegt við þetta. Valli hefur aldrei sungið betur.

Sem gamall hippi minnti þessi plata mig á hvers vegna pönkið var nauðsynlegt á sínum tíma.

Platan blátt áfram og skemmtileg, gert eins og á að gera hlutina, góð, stutt og fjölbreytt lög.

DV, 2. desember, Trausti Júlíusson, 4 stjörnur

Skemmtilegt Dót.

Það sem gerir Dótið jafn gott og raun ber vitni fyrir utan vel heppnaðar lagasmíðar og flottan hljóm eru útsetningarnar.

Dót er á heildina litið frábær rokkplata.

Fréttablaðið, 8. desember, Magnús Teitsson

Útkoman þrælskemmtilegur pakki.

Fræbbblarnir hafa engu gleymt og halda sig við grípandi pönk.

Morgunblaðið, 2. desember, Svavar Knútur Kristinsson 4 stjörnur af 5

Við hlustun á "Treat Me Like I Died" kviknar óneitanlega löngun til að kasta af sér fötum og dansa eins og bavíani.

Lögin eru mörg hver grípandi og kraftmikil og skilja eftir sig ágætis eftirbragð.

Morgunblaðið, 6. desember, Skarphéðinn Guðmundsson, í umsögn um hljómleika Stranglers og Fræbbblanna, 4 stjörnur af 5.

Fræbbblarnir eru nýbúnir að gefa út þrusufína plötu, Dót.

Myndir

Finnbogi Marinósson hjá Dagsljósi, Akureyri, mætti í Sjallann og tók mikið af myndum. Við mættum svo til hans í myndatöku á sunnudag. Margar frábærar myndir og nokkrar þeirra skreyta undirsíður vefsins með góðfúslegu leyfi Finnboga.

Gunnar á Kópavogspóstinum mætti á Stranglers og tók fullt af myndum. Nokkrar þeirra eru á aðalsíðunni, fyrir utan efstu myndina frá Finnboga.

Ólafur Barði mætti líka á Stranglers, eigum eftir að fá fleiri myndir frá honum, en ein myndin er hér á aðalsíðunni.

Kolviður

Í framhaldi af minningarhljómleikunum um Joe Strummer verður stofnaður kolefnishlutleysissjóður í samvinnu við Skógræktarfélag Íslands og Landvernd.

"Rockaway Beach" á íslensku

Marky Ramone, fyrrum trommari Ramones, er nú með hljómsveitina Speedkings. Þeir eru að gefa út hljómleikaupptökur og sem bónus fylgir EP plata með fjórum Ramones lögum og eru þau sungin á sitt hvoru norðurlandamálinu, "Rockaway Beach", "I Wanna Be Sedated", "Sheena Is A Punk Rocker" og "Blitzkrieg Bop". Við gerðum íslenska textann og getum ekki beðið eftir að heyra framburðinn hjá þeim.

Til minningar um Joey Ramone

Plata til minningar um Joey Ramone "Life's a Gas: A Tribute to Joey Ramone" er komin út hjá AMP Records í Kanada - við erum með lagið "Heaven Needed A Lead Singer".