Dante

Lag: Helgi Briem, Valgarður Guðjónsson
Texti: Valgarður Guðjónsson

Ertu ekki að verða helst til heltekinn af
hringlanda flakki um vítahring.

Fastur í ferðalagi hring eftir hring
með hugaróra um kvalalosta.

Ertu Dante, sá brunnur af sora
sem flæðir taumlaust og tengir sig við
höfuðskáldið rómverskt.

Og því næst, með skelfingu í svipnum
lagði á mig hönd og dró upp
öskur og þjáningar, barsmíðar, sandstorm.

Satt best að segja er frekar aumt að horfa á
þig setjast upp á betri sál.

Þú mátt að minnsta kosti halda þig frá
að minnka löngu látin skáld.

Það kom engin Beatrice til bjargar
þín eina von hefði verið þín þögn
og meira virði en óttinn við hringi.

Samt sem áður tek ég minn vilja
frjáls ég tek eigin kórónu og vel
hverju ég tek og hverju ég hafna.

Lög